Wasioona kuanza kunufaika na elimu ya lishe bora.

Home
Post Details

# blog

Wasioona kuanza kunufaika na elimu ya lishe bora.

Taasisi ya Chakula na Lishe Tanzania (TFNC) kwa kushirikiana na Shirika la Mpango wa Chakula Duniani (WFP) wamezindua vitabu wiwili maalumu cha ujumbe wa lishe bora kwa jamii ya watu wasioona Tanzania.

Vitabu hivyo vilivyoandikwa kwa mfumo wa nukta nundu vinalenga kuhamasisha watu wa jamii hiyo kupata elimu kuhusu umuhimu wa lishe bora kwa ustawi ukuaji na maendeleo ya watoto na afya ya watu wote.

Kaimu Mkurugenzi wa idara ya mafunzo na elimu ya lishe,Dk Esther Nkuba amesema jamii hiyo imekuwa ikikabiliwa na changamoto ya upatikanaji wa taarifa sahihi za lishe kutokana na uwezo wao wa kutoweza kusoma maandishi ya kawaida, hivyo tumezindua vitabu viwili vikiwa na maandishi ya nukta nundu na sauti ili kutoa elimu kwao.

Dk Esther amesema, “Tumekuwa tukiyafikia makundi mbalimbali ya wanawake wajawazito,watoto wachanga,vijana balee na wazee lakini jumuiya ya watu wasiona walikuwa na changamoto hiyo hivyo tumeandaa ujumbe huu,”

Kwa upande wake Sarah Gibson ambaye ni Mkurugenzi na Mwakilishi wa WFP,nchini amesema wanaunga mkono juhudi zinazofanywa na serikali kuona jamii yake inazingatia lishe bora huku akieleza hata shirika hilo linatambua ilikuwe na nguvu kazi ya kutosha katika ujenzi wa Taifa lolote ni lazima kuwe na jamii ya watu wenye afya nzuri.

“Tumefadhili mpango huu wa kuandaa vitabu, sauti na redio zitakazotolewa kwa jamii ya watu wasioona ili wapate elimu ya kuzingatia lishe bora,”amesema Sarah

Naye Mwenyekiti wa Jumuiya ya watu wasioona Tanzania, Omary Itamba ameshukuru kwa kuwapatia vitabu hivyo huku akiwaomba wafadhili kuangalia namna ya kuwafikia hata wanaoishi vijijini.

“Tunashukuru kwa kutukumbuka kwa sisi tunaoishi mijini ni rahisi kupata vitabu hivi kusoma ujumbe lakini kwa waoishi vijijini ambako wako wengi ni ngumu na jumuiya haina raslimali fedha za kusaidia,”amesema Itamba

Itamba amesema waliopo vijijini wanachangamoto kubwa hata kusoma hawajui hivyo wanatakiwa kusaidiwa zaidi ili wanufaike na elimu hiyo itakayo wawezesha kulinda afya zao.

Comments (1)

Teknik Informatika

2024-02-16 06:24:23

Ni mikakati gani iliyopo ili kuhakikisha ufanisi wa mpango huu katika kukuza elimu ya lishe ndani ya jamii hizi? Bora kwa upande <a href="https://ble.telkomuniversity.ac.id/">Telkom University</a>

Your email address will not be published. Required fields are marked *